CAMPUS BASQUET .-

O goberno local presenta a oferta de

campamentos deportivos para rapaces

e adultos nos meses de verán

Mércores, 9 de xuño de 2010

O concelleiro Manuel Santiago presentou a programación deseñada, que inclúe a práctica de deportes como tenis, natación, baloncesto ou fútbol.

As actividades están destinadas a nen@s de entre 5 e 18 anos e comenzarán o 22 se xuño co V Campus Chiqui Basquet

O concelleiro de Deportes, Manuel Santiago, presentou a ampla oferta de actividades deportivas -campamentos e campus - que o goberno local organizará de cara ao verán pensando nos rapaces e rapazas de Ferrol.

Esta inclúe, tal e como avanzou o responsable das políticas deportivas municipais, a práctica do fútbol, tenis, natación ou baloncesto, entre outros deportes.

Xa polo miúdo, Santiago explicou que a primeira das actividades previstas dará comenzo o vindeiro 22 de xuño e se celebrará ata o día 26 do mesmo mes: a quinta edición do Chiqui Basquet, dirixido a nen@s e rapaces e rapazas de 5 a 17 anos.

Este terá lugar no pavillón polideportivo de Esteiro e terá un custe de 40 euros.

Non haberá límite de prazas, ao igual que no VII Campus de Basket Lino López que se celebrará no pavillón polideportivo do colexio público de San Xoán en dúas quendas: a primeira delas, para os nados entre os anos 1999 e 2003 terá lugar do 28 de xuño ao 3 de xullo cun custe de 75 euros ou 115 de incluír a comida.

A segunda, do 5 ao 10 de xullo e para rapaces e rapazas nadas entre os anos 1992 e 1998.

Neste último caso, o prezo será de 75 euros, 115 euros (con comida) ou 220 euros con pensión completa.

Ademais, tal e como destacou o edil de Deportes, estes últimos terán a oportunidade de pernoctar nas instalacións do colexio, concretamente no campamento que se habilitará de xeito especial con tendas de campaña cedidas polo Tercio Norte.

ferrol.es